योग लाई विद्यालय सम्म पुऱ्याउँदै बढैयाताल गाऊपालिका

ज्ञानेन्द्र पोख्रेल

बर्दिया / नेपाल सरकार को आरोग्य कार्यक्रम अन्तर्गत योग शिक्षा लाई विद्यालय स्तर सम्म पुऱ्याउने उद्देश्य ले बढैयाताल गाउपालिका आयुर्वेद शाखाको आयोजनामा बढैयाताल गाउपालिकाका माध्यामिक विद्यालय का शिक्षकहरु लाई दुई दिने योग अभ्यास तथा योग प्रशिक्षण कार्यक्रम सम्पन्न गरेको छ ।

यहि मंसीर १० र ११ गते बढैयाताल गाउपालिकाको मैनापोखरमा सम्पन्न योग प्रशिक्षण कार्यक्रम मा बढैयाताल गाउपालिका भित्र का आठ वटा माध्यामिक विद्यालयका प्रधानाध्यापक र स्वास्थ्य र शारीरिक विषय शिक्षक गरी १६ जना शिक्षक शिक्षिकाहरु प्रशिक्षण कार्यक्रममा सहभागी रहेका थिए ।

 नेपाल सरकारले विद्यालय स्तर बाटै योग तथा आरोग्य कार्यक्रम सञ्चालन निर्देशिका जारी गरेको अवस्थामा बढैयाताल गाउँपालिका भित्र रहेका माध्यामिक विद्यालय हरु का बालवालिका हरु लाई स्वस्थ्य जिबन जिउन सकुन भन्ने उद्देश्यले विद्यालयका बालवालिका हरुलाई अतिरिक्त कृयाकलाप अन्तर्गत हप्तामा एक पिरियड योग शिक्षा तथा योग अभ्यास गराउने उद्देश्यले शिक्षक हरुलाई प्रारम्भिक चरण को योग शिक्षा तथा योग अभ्यास सम्बन्धी दुई दिने अभिमुखिकरण कार्यक्रम आयोजना गरिएको जानकारी बढैयाताल गाउपालिका अध्यक्ष हिमालय त्रिपाठी ले दिएका थिए।

 यस कार्यक्रम मा नागरिक आरोग्य कार्यक्रम अन्तर्गत आयुवेर्दिक तथा आरोग्य र योग कार्यक्रम बारे जमुनी आयुर्वेदिक औषद्यालयका प्रमुख नविन चौधरी ले सहभागी हरुलाई जानकारी दिएका थिए भने यसरी सम्पन्न योग प्रशिक्षण तथा अभिमुखिकरण तालिम कार्यक्रम मा सहजिकरण योगगुरु लोकराज पाण्डे ले गर्नु भएको थियो साथै यस कार्यक्रमका सहभागी विद्यालयका प्रधानाध्यापक हरु लाई बढैयाताल गाऊ पालिका अध्यक्ष हिमालय त्रिपाठी ले नेपाल सरकार आयुर्वेद तथा वैकल्पीक चिकित्सा विभाग ले उपलब्ध गराएको आयुर्वेद तथा योग सम्बन्धी निर्देशिका १ ,१ थान हस्तान्तरण गरेका थिए । समापन कार्यक्रम बढैयाताल गाउपालिका अध्यक्ष हिमालय त्रिपाठीको सभापतित्वमा  भएको थियो ।